II Халықаралық Энергия үнемдеу форумы

Үздік энергия үнемдейтін БМ байқауының қорытындысы

Қазақстанда үздік энергиялық тиімді бюджеттік мекеме таңдалды

Халықаралық Энергия үнемдеу күнін мерекелеуге орайлайстырылған байқаудың қорытындысы бойынша Екібастұз қ. Әкімдігінің №9 «Радуга» балабақша-гимназиясы үздік энергиялық тиімді бюджеттік мекеме болды.

Бұл байқаудың мақсаты бюджеттік мекемелердің энергияны үнемдеу саласындағы жұмысын ынталандыру, осы бюджеттік мекемелер ғимараттарының, құрылыстары мен үймереттерінің энергетикалық тиімділігін арттыру, сонымен қатар энергия үнемдеу саласындағы іске асырылған анағұрлым табысты жобалар туралы ақпарат іздеу және тарату болып табылады.

Жеңімпазды марапаттау салтанатты рәсімі 2019 жылғы 29 қарашада Нұр-Сұлтан қаласында (HiltonAstana) ІІ Халықаралық энергия үнемдеу форумының шеңберінде өтеді.

Қазақстанда алғаш рет энергия үнемдеу саласына қосқан үлес үшін марапат тағайындалды

29 қарашада Нұр-Сұлтан қаласында ІІ Халықаралық Энергия үнемдеу форумының шеңберінде он марапат салтанатты түрде тапсырылды.

Марапаттың алғашқы иегерлері Әсет Исекешев – Қазақстан Республикасының Тұңғыш Президенті – Елбасы Қорының Атқарушы директоры, Бақауов Болат – Павлодар облысының әкімі, Альберт Рау – ҚР Парламенті Мәжілісінің депутаты, Арман Мәулешев – «ҚазАзот» АҚ бас директоры, Тимур Нұрашев – Еуразия экономикалық комиссиясы техникалық реттеу департаментінің директоры, Сырым Нұрғалиев – БҰҰДБ жобасының менеджері, Олжас Әлібеков – «Электр энергетикасын дамыту және энергия үнемдеу институты» АҚ басқармасы төрағасының орынбасары,  Дәурен Тоқбаев «Қазақстан Энергия аудиторлары қауымдастығы» ЗТБ президенті, Ермек Марабаев – «Норт Каспиан Оперэйтинг компани Н.В» басқарушы директорының орынбасары және Таумұрат Лұқпанов Мемлекеттік Энергетикалық Тізілім орталығының ШҚО бойынша өңірлік өкілі. 

Марапат энергия үнемдеу саласының жұмыскерлеріне, сонымен қатар энергия үнемдеуді дамытуға және энергия тиімділігін арттыруға жеке үлкен үлесін қосқан тұлғаларға, энергетикалық ресурстарды тиімді пайдалану саласындағы көрнекті әзірлемелер үшін табысталады. Сонымен қатар кадрларды дайындаудағы және олардың біліктілігін жоғарылатудағы жоғары жетістіктер үшін, Қазақстан Республикасының энергия үнемдеу және энергия тиімділігін арттыру саласындағы заңнамалық базасын жетілдіруге қосқан жеке үлес үшін беріледі. Марапатпен энергия үнемдеуді дамыту саласындағы көпжылғы адал еңбек пен Қазақстан халқының арасында энергия үнемдеу тәлім-тәртібін таратудағы жетістіктер де атап өтіледі.

«Энергия үнемдеу саласына қосқан үлесі үшін» төс белгісі ведомстволық марапаттар тізбесіне ҚР үкіметінің қаулысына сәйкес 2019 жылғы 8 қарашада енгізілді.

Нұр-Сұлтанда II Халықаралық энергия үнемдеу форумы өтті

2019 жылғы 29 қарашада Қазақстанның астанасында Екінші Халықаралық энергия үнемдеу форумы өтті, ол Қазақстан осы жылы 11 қарашада атап өткен Халықаралық «Энергия үнемдеу» күніне арналған.

Форумға ҚР Индустрия және инфрақұрылымдық даму вице-министрі Аманияз Ержанов, ҚР Тұңғыш Президенті - Елбасы Қорының атқарушы директоры Әсет Исекешев, Дүниежүзілік Банктің Қазақстандағы тұрақты өкілі Жан-Франсуа Марто, Энергетика вице-министрі Сұңғат Есімханов, БҰҰ Даму Бағдарламасының Қазақстандағы тұрақты өкілі Якуп Бериш, «KazEnergy» қауымдастығының Бас директоры Болат Ақшолақов және «Самұрық-Қазына» ҰӘҚ» АҚ Басқарушы директоры Алмасадам Сәткалиев, сондай-ақ Еуропа, Ресей, Өзбекстан, Қырғызстан және Қазақстаннан халықаралық ұйымдар мен бизнес құрылымдардың жетекші сарапшылары қатысты.

ҚР Индустрия және инфрақұрылымдық даму вице-министрі Аманияз Ержанов атап өткендей, Қазақстан экономикасының дамуымен энергоресурстарға деген қажеттілік тек қана өсуде. Қазақстандағы энергия ресурстарын негізгі тұтыну өнеркәсіп саласына тиесілі. Электр энергиясының 67%-ы ірі өнеркәсіп тұтынушыларына тиесілі.

«2025 жылға дейінгі Стратегиялық жоспарда Қазақстанның ЖІӨ-нің энергия сыйымдылығын 2025 жылға қарай кемінде 25% - ға төмендету жөніндегі міндет айқындалды. Бұл ретте, тәуелсіздік кезеңінде ЖІӨ энергия сыйымдылығы 56%-ға төмендеді, бұл кезеңде әлемдік экономиканың энергия сыйымдылығы 26%-ға төмендеді»,- деп атап өтті А.Ержанов.

«Электр энергетикасын дамыту және энергия үнемдеу институты» АҚ (EEDI) Басқарма Төрағасы Бауыржан Смағұловтың айтуынша Мемлекеттік энергетикалық тізілім (МЭТ) ЖІӨ энергия сыйымдылығын төмендетудің ұлттық мақсатына қол жеткізу жөніндегі басты тетік болып табылады.

«Шын мәнінде, МЭТ — бұл елдің энергетикалық ресурстарын ірі тұтынушыларының ауқымды дерекқоры. Бүгінгі таңда МЭТ-ке 11656 субъекті, оның ішінде 2019 заңды тұлға, 2540 квазимемлекеттік сектор ұйымы және 7098 мемлекеттік мекеме қосылды. МЭТ Субъектілердің МЭТ-ті жиынтық тұтынуы елдің барлық тұтынуының 60%-ға жуығын құрайды», - деді Бауыржан Смағұлов.

Форумның күн тәртібінде өнеркәсіпті энерготиімді цифрландыру, төмен көміртекті дамудағы және қоршаған ортаны қорғаудағы энергия үнемдеудің рөлі, ақпараттық хабардарлықты арттыру, мемлекеттік сектордың «жасыл» қаржысына қол жеткізу және энергия тиімділігі мәселелері өзекті болды.

            Бұл ретте, форумның салтанатты бөлімінде «Энергия үнемдеу саласын дамытуға қосқан үлесі үшін» ведомстволық наградаларды тапсыру және энергия үнемдеу мәселелерін көпшілікке тарату мақсатында ұйымдастырылған екі республикалық конкурстың жеңімпаздарын марапаттау рәсімі өткенін атап өту қажет. «Энергия үнемдеу балалардың көзімен-2019» атты балалар суреті конкурсының гран-при жеңімпазы болып Эльмира Сапарова атанды. Мемлекеттік ұйымдардың арасындағы «Ең үздік энергия тиімді бюджеттік мекеме» атағының иегері болып Екібастұз қ. әкімдігі Білім бөлімінің №9 «Радуга» балабақша-гимназиясы атанды.

Қазақстанда ең үздік энергия тиімді бюджеттік мекемені таңдайды

Балалар конкурсы Халықаралық энергия үнемдеу күніне арналған және өскелең ұрпақты экологиялық санаға тәрбиелеу және олардың назарын энергияны үнемді пайдалануға аудару мақсатында өткізіледі, осылайша балаларды энергияны үнемдеудің қарапайым қағидаттарын зерделеуге түрткі бола отырып, олардың шығармашылық қабілеттерін ашуға көмектеседі. Конкурсқа 4-17 жас аралығындағы кез келген бала қатыса алады.

Өтінім беру мерзімі: 2019 жылғы 10-25 қараша аралығы.

Конкурстық жұмыстарды бағалаудың қорытындысында жеңімпаздар үш жүлделі орын бойынша үш жас санатында жарияланады. (1-орын – ноутбук, 2-орын – планшет, 3-электрондық кітап және 1 Гран-при (смартфон). Салтанатты марапаттау рәсімі 2019 жылғы 29 қарашада Нұр-Сұлтан қаласында (HiltonAstana) II Халықаралық энергия үнемдеу форумы шеңберінде өтеді.

Конкурстық өтінімдер savingenergykz@gmail.com электрондық мекенжайы бойынша қабылданады.

Конкурстың ұйымдастырушысы: Қазақстан Республикасының Индустрия және инфрақұрылымдық даму министрлігінің атынан «Электр энергетикасын дамыту және энергия үнемдеу институты» АҚ, Дүниежүзілік Банктің қолдауымен.

Конкурсқа қатысу және өтінім беру шарттары туралы нақты ақпарат ұйымдастырушының ресми парақшасы www.eeday.kz сайтында қолжетімді және оны +7 701 714 88 68 телефоны арқылы алуға болады.

Қазақстанда екінші республикалық «Энергия үнемдеу балалардың көзімен» атты балалар суретінің конкурсы өтеді

Конкурс Халықаралық «Энергия үнемдеу» күніне арналған. Конкурсқа Қазақстан Республикасының аумағында тіркелген барлық бюджеттік мекемелер қатыса алады.

Аталған конкурстың мақсаты энергия үнемдеу саласындағы бюджеттік мекемелердің жұмысын ынталандыру, осы бюджеттік мекемелер ғимараттарының, құрылыстары мен үй-жайларының энергетикалық тиімділігін арттыру, сондай-ақ кейіннен жаппай тираждау үшін салынған немесе қайта жаңартылған ғимараттардағы неғұрлым табысты іске асырылған жобалар туралы ақпаратты іздеу және тарату болып табылады.

Конкурстық өтінімдер savingenergykz@gmail.com электрондық мекенжайы бойынша қабылданады.

Өтінім беру мерзімі: 2019 жылғы 10-25 қараша аралығы.

Салтанатты марапаттау рәсімі 2019 жылғы 29 қарашада Нұр-Сұлтан қаласында (HiltonAstana) II Халықаралық энергия үнемдеу форумы шеңберінде өтеді.

Конкурстың ұйымдастырушысы: Қазақстан Республикасының Индустрия және инфрақұрылымдық даму министрлігінің атынан «Электр энергетикасын дамыту және энергия үнемдеу институты» АҚ, Дүниежүзілік Банктің қолдауымен.

Конкурсқа қатысу және өтінім беру шарттары туралы нақты ақпарат ұйымдастырушының ресми парақшасы www.eeday.kz сайтында қолжетімді және оны +7 701 714 88 68 телефоны арқылы алуға болады.

конвертер онлайн в HTML позволяет вам преобразовывать документы Word в чистый код всего за несколько кликов.

Астанада II Халықаралық энергия үнемдеу форумы өтеді.

2019 жылғы 29 қарашада Қазақстан астанасында биылғы жылы Қазақстанда 11 қарашада аталып өткен Халықаралық энергия үнемдеу күні мерекесіне орайластырылған екінші Халықаралық энергия үнемдеу форумы өтеді.

Форумның мақсаты – бұрынғыша, энергия үнемдеу және энергиялық тиімділікті арттыру саласындағы мәселелерді талқылау үшін жыл сайынғы диалогтық платформаларды нығайту болып табылады.

Алдағы Форумның күн тәртібіндегі негізгі мәселер – өнеркәсіпті энергиялық тиімді цифрландыру, төмен көміртекті дамудағы және қоршаған ортаны қорғаудағы энергия үнемдеудің рөлі, ақпараттық хабардарлықты арттыру, «көк» қаржының қолжетімділігі және мемлекеттік сектордың энергиялық тиімділігі жөніндегі  мәселелер болады.   

            «Форумның салтанатты бөлігінде «Энергия үнемдеу саласына қосқан үлесі үшін» ведомстволық марапатын, Қазақстан Республикасы Индустрия және инфрақұрылымдық даму министрінің мақтау грамотасын табыстау рәсімі және энергия үнемдеуді дәріптеу мақсатында ұйымдастырылған екі республикалық конкурстың жеңімпаздарын марапаттау рәсімі көзделген, осы конкурстардың арасында – «Энергия үнемдеу балалардың көзімен» балалар суреттерінің конкурсы және мемлекеттік ұйымдардың арасындағы «Үздік энергиялық тиімді бюджеттік мекеме» атағына арналған конкурс бар», - деп атап өтті «Электр энергетикасын дамыту және энергия үнемдеу институты» АҚ Басқарма Төрағасы Бауыржан Смағұлов.

Форумның негізгі спикерлерінің арасында ҚР Индустрия және инфрақұрылымдық даму министрі Бейбіт Атамқұлов, ҚР Тұңғыш Президенті – Елбасы Қорының атқарушы директоры Әсет Исекешев, Дүниежүзілік Банктің Қазақстандағы тұрақты өкілі Жан-Франсуа Марто, БҰҰ Даму бағдарламасының Қазақстандағы тұрақты өкілі Якуп Бериш, «KazEnergy» Қауымдастығының бас директоры Болат Ақшолақов және «Самұрық-Қазына» ҰӘАҚ» АҚ басқарушы директоры Алмасадам Сәтқалиев бар, сондай-ақ Еуропадан, Ресейден, Өзбекстаннан, Қырғызстаннан және Қазақстаннан жетекші халықаралық сарапшылар сөз сөйлейді.

Форум туралы толық ақпарат, қатысушыларды тіркеу – www.eeday.kz сайтында қолжетімді.

Өткізу орны: Хилтон Астана мейманханасы, Сауран көшесі 46

Өткізу уақыты: 29 қараша

Қатысушыларды тіркеу: 9:00-10:00

БАҚ аккредиттеу мәселелері бойынша: Сейдахметова Жайна +7 778 602 26 26

II Халықаралық энергия үнемдеу форумының

Ұйымдастыру коммитеті

+7 701 513 26 01